السجاد والقطط

“ايه ده؟ إنت من ايران؟ أنا بتكلم عربي شوية!”

” احنا مش بنتكلم عربي في إيران، بنتكلم فارسي عشان احنا مش عرب ، احنا فرس، ذي القطة، مياو!”

ممكن تكون مريت بموقف ذي دة قبل كدة، عشان يمكن بالنسبة لك العرب و الإيرانين  شبه بعض، عشان جايين من نفس المنطقة و هما الاثنين شعرهم غامق المهم إن المقالة دي هتوضحلك الفرق بينهم.

این است فارسی کج بیل بنظرمی رسد

هذا هو شكل اللغة العربية

الجملتين دول ليهم نفس المعنى ” دا شكل الكتابة بالعربي/ بالأيراني” . ممكن يكونوا شكلهم  نفس الحاجة في عينك بس دا علشان الأبجدية الإيراني و العربي هي ذاتها، بتختلف في ٤ حروف بس. و كمان العربي  و الإيراني  بيتكتبوا من اليمين للشمال . بس لو ركزت هتلئيهم مختلفين تماماً. العربي و الإيراني أصلهم مختلف عن بعض. العربي من اللغات السامية و الناس بتتكلمه في الشرق الاوسط والدول العربية عموماً. أما الفارسي فهو من اللغات الهندو اوروبية و بيتكلمه الناس في إيران و أفغانستان و تاجيكستان ( بس طبعاً بلهجات مختلفة). وبرضو في علم الأعراق البشرية، الإيرانيين من الأصل الآري والعرب أصلهم سامي.

و تاريخ العرب والإيرانيين مختلف تماماً. بدأ تاريخ الفرس بتوحد بلد الفرس على ايد الملك قورش العظيم وطبعاً الحضارة ازدهرت قوي بعض كدة وكان في أديان كثيرة ذي الزرادشتية ، الميثراسية ، والمانوية. أما التاريخ العربي فبدأ يزدهر بعض ظهور الإسلام. الحاجة المثيرة للاهتمام بقى إن العرب غزوا بلاد الفرس في حوالي القرن السابع الميلادي وبكدة غلبت الحضارة والثقافة الإسلامية على طابع الحياه في إيران إلا اللغة، عشان محاولات تعريب إيران أو بلاد الفرس كلها فشلت. و حالياً المسلمين في إيران من الطائفة الشيعية على عكس البلاد العربية إلي كلها من  السنة وبكدة تقريباً إيران هي الدولة الوحيدة إلي أغلبيتها من الشيعة.

أول من أسس دولة إيران الشيعية كان الشاه إسماعيل الاول في حوالي القرن السادس عشر. و فضلت إيران تحت حكم الشاه لحد ماقامت الثورة الإيرانية أو الإسلامية سنة ١٩٧٩ بقيادة اية الله الخميني وتم نفي الشاه والبلد الوحيدة إلي قبلت تستضيفه كانت مصر ودة طبعاً مكنش موقف كويس في وجهة نظر الشعب الإيراني و من موقف ذي كدة ومن مواقف تانية هيبنلك ازاي الإيرانيين والعرب ازاي مش اصحاب قوي. موقف تاني مثلاً هو غزو العراق لإيران سنة ١٩٨٠. إيران إتحررت تاني سنة ١٩٨٢ بس د طبعاً أثر جامد أوي على العلاقات العربية الايرنية.

وحالياً طبيعة الحياة الإجتماعية والسياسية في إيران مختلفة أوي عن العالم العربي. أبسط مثال إن إيران بقيادة احمدي نجاد وأمريكا مش على وفاق دلوقتي على عكس أغلب الدول العربية إلي زي السمن على العسل مع أمريكا.

المهم من الاخر سيبك من كل الحوارات السياسية و التاريخية دي. أهم حاجة انك لازم متلخبطش بين العرب والإيرانيين مرة تانية علشان هيكون موقف مش ظريف. افتكر بس إن إيران دي بتاعة القطط والسجاد اليدوي وأن العرب دول بتوع الحمص و  الفلافل  و العيش الشامي الأبيض المدور ده.

[English]

You might also like: